Google ADS

Maqedonia e Veriut, muajin e ardhshëm pensionet do të rriten për 185 denarë

21:31 | 18 Janar 2021
Arbresh.info

Pensionet do të paguhen rregullisht, ndërsa në janar pensionistët do të marrin harmonizimin ligjor, pra pensioni minimal do të rritet për 134 denarë, dhe mesatarja me 185 denarë, njoftoi sonte Ministrja e Punës dhe Politikës Sociale Jagoda Shahpaska.

Duke folur për “TV 24” Shahpaska tha se pensionet do të vazhdojnë të paguhen në fund të muajit në mënyrë që të mbrojë pensionistët nga pandemia.

“Me pensionin për janar, i cili do të paguhet në fund të janarit, ata do të marrin aprovimin me ligj dhe kjo do të nënkuptojë rritjen e pensionit minimal me 134 denarë në muaj dhe rritjen e pensionit mesatar me 185 denarë në muaj”, shpjegoi Shahpaska.

Ajo tha se nuk ka plane për të rritur pensionet në mënyrë lineare, siç ishte praktika gjatë qeverisë së mëparshme.

Shpërndaje në rrjete sociale

Lajmet më të lexuara

Të ngjashme

Foto lajm